This is the way the ladies ride, Jimp and sma' jimp and sma'; This is the way the gentlemen ride, Trotting a', trotting a'; This is the way the cadgers ride, Creels and a'! creels and a'!! Creels and a'!!!

A' the nicht owre and owre, And a' the nicht owre again; A' the nicht owre and owre The peacock followed the hen.

The hen's a hungry beast, The cock is hollow within; But there's nae deceit in a puddin', A pie's a dainty thing.

A' the nicht owre and owre.—Da Capo.

Poussie, poussie, baudrons, Whaur ha'e ye been? I've been to London Seeing the Queen.

Poussie, poussie, baudrons, What gat ye there? I gat a good fat mousikie, Rinning up a stair.

Poussie, poussie, baudrons, What did ye wi't? I put it in my meal-poke To eat it wi' my bread.

Hushie-ba, birdie beeton, Your mammie's gane to Seaton, For to buy a lammie's skin To row your bonnie boukie in.

Bye baby, buntin', Daddie's gane a-huntin':— Mammie's gane to buy a skin, To row the baby buntin' in.

Ding dang, bell rang, Cattie's in the well, man. Fa' dang her in, man? Jean and Sandy Din, man. Fa' took her out, man? Me and Willie Cout, man. A' them that kent her When she was alive, Come to the burialie Between four and five.

Eezy ozy moolin's o' bread, Kens na whaur to lay her head, Atween the Kirkgate and the Cross There stands a bonnie white horse, It can gallop, it can trot, It can carry the mustard-pot.

Willie Warstle, auld Carle, Dottered, dune, and doited bodie, Feeds his weans on calfs' lugs, Sowps o' brose, and draps o' crowdie.

Brow o' knowledge, Eye o' life, Scent bottle, Penknife. Cheek cherry, Neck o' grace, Chin o' pluck— That's your face. Shoulder o' mutton, Breast o' fat, Vinegar-bottle, Mustard-pot— That's my laddie.

A laird, a lord, A rich man, a thief, A tailor, a drummer, A stealer o' beef.

Donald Cooper, Carle, quo' she, Can ye gird my coggie? Couthie Carline, that I can, As weel as ony bodie. There's ane about the mou' o't, And ane about the body o't, And ane about the leggen o't, And that's a girded coggie!

Bontin's man To the town ran; He coffed and sold, And a penny down told; The kirk was ane, and the choir was twa, And a great muckle thump doon aboon a', Doon aboon a', doon aboon a'.

I got a little manikin, I set him on my thoomiken; I saddled him, I bridled him, I sent him to the tooniken: I coffed a pair o' garters to tie his little hosiken; I coffed a pocket-napkin to dight his little nosiken; I sent him to the garden to fetch a pund o' sage And found him in the kitchen-neuk kissing little Madge.

I had a little pony, Its name was Dapple Grey: I lent it to a lady, To ride a mile away.

She whipped it, she lashed it, She ca'd it owre the brae; I winna lend my pony mair, Though a' the ladies pray.

Chick! my naigie,