class="i1">Before e'en Adam fell.

His wives are very numerous, Yet he maintaineth none; And at the day of reckoning He bids them all begone.

He wears his boots when he should sleep, His spurs are ever new; There's no a shoemaker on a' the earth Can fit him wi' a shoe. [A cock.]

Riddle me, riddle me, rot-tot-tot, A wee, wee man in a red, red coat; A staff in his hand and a stane in his throat, Riddle me, riddle me, rot-tot-tot. [A cherry.]

There was a man made a thing, And he that made it did it bring; But he 'twas made for did not know Whether 'twas a thing or no. [A coffin.]

Pease-porridge het, pease-porridge cauld, Pease-porridge in a pot ten days auld; Spell me that in four letters. [T-H-A-T.]

I sat wi' my love, and I drank wi' my love, And my love she gave me light; I'll give any man a pint o' wine To read my riddle right. [He sat in a chair made of his mistress's bones, drank out of her skull, and was lighted by a candle made of the substance of her body.]

Mouth o' horn, and beard o' leather; Ye'll no guess that were ye hanged in a tether. [A cock.]

Bonnie Katie Brannie stands at the wa', Gi'e her little, gi'e her muckle, she licks up a': Gi'e her stanes, she eats them—but water, she'll dee, Come, tell this bonnie riddleum to me. [The fire.]

Down in yon meadow There sails a boat; And in that boat The King's son sat. I'm aye telling ye, But ye're no calling, Hoo they ca' the King's son In the boat sailing. [Hoo, or Hugh.]

As I gaed owre Bottle-brig, Bottle-brig brak'; Though ye guess a' day, Ye winna guess that. [The ice.]

If Dick's father is John's son, What relation is Dick to John? [His grandson.]

The brown bull o' Baverton, Gaed owre the hill o' Haverton; He dashed his head atween twa stanes And was brought milk-white hame. [Corn sent to the mill and ground.]

A beautiful lady in a garden was laid, Her beauty was fair as the sun; In the first hour of her life she was made a man's wife, And she died before she was born. [Eve.]

The minister, the dominie, and Mr. Andrew Lang, Went to the garden where three pears hang: Each one took a pear—how many pears then? [Two: the three persons were one.]

Mou'd like the mill-door, luggit like the cat; Though ye guess a' day, ye'll no guess that. [An old-fashioned kail-pot.]

There stands a tree at our house-end, It's a' clad owre wi' leather bend: It'll fecht a bull, it'll fecht a bear, It'll fecht a thousand men o' wear. [Death.]

Lang man legless, Gaed to the door staffless: Goodwife, put up your deuks and hens; For dogs and cats I carena. [A worm.]

As I gaed to Falkland to a feast, I met me wi' an ugly beast: Ten tails, a hunder nails, And no a fit but ane. [A ship.]

As I cam' owre the tap o' Trine, I met a drove o' Highland swine: Some were black, and some were brawnet, Some o' them was yellow tappit. Sic a drove o' Highland swine Ne'er cam' owre the tap o' Trine. [A swarm of bees.]

Infir taris, inoknonis; Inmudeelis, inclaynonis. Canamaretots? [In fir tar is, in oak none is; In mud eel is, in clay none is. Can a mare eat oats?]

Wee man o' leather Gaed through the heather, Through a rock, through a reel, Through an auld spinning-wheel, Through a sheep-shank bane. Sic a man was never seen. Wha had he been? [A beetle.]

The robbers cam' to our house When we were a' in; The house lap out at the windows, And we were a' ta'en. [Fish caught in a net.]